Финансиската и економска криза веќе петта година ја тресе Босна и Херцеговина, што од една страна доведе до значителен пад на куповната моќ на просечните работнички семејства, додека од друга страна побогатиот дел од населението продолжува да „робува“ на луксузните производи и модни брендови.
Увоз на предмети од злато и скапоцени камења, луксузни часовници и автомобили во БиХ минатата година се мереше во стотини милиони конвертибилни марки (1 КМ вреди 0,51 евро), а сличен тренд продолжи и во почетокот на оваа година.
Според податоците на Управата за индиректно оданочување на БиХ, државјаните на таа земја не заостануваат многу зад светската елита, па само од почетокот на 2013 година во БиХ се увезени предмети од благородни метали со вкупна вредност од 342.000 КМ.
Најмногу пари богатите Босанци се подготвени да издвојат за луксузни автомобили.