Полициска службеничка привела 44-годишно лице, со иницијали Б.Ш. од Скопје поради тешка кражба.
Како што соопшти МВР, вчера напладне во близина на Соборниот Храм во Скопје Б.Ш. извршил дрска кражба и почнал да бега.
При бегството, во близина на Владата на кејот на Врадар, тој бил забележан од полициската службеничка, по што Б.Ш. скокнал во реката.
Во Вардар, по него, скокнала и полициската службеничка која пливајќи успеала да го стигне и приведе на другата страна од реката, во близина на зградата на Основното јавно обвинителство.