Северна Македонија доби зелено светло од еврокомесарот за проширување Јоханес Хан за започнување на преговори за членство во ЕУ.
Тој објасни зошто треба да се започнат преговорите со Северна Македонија и со Албанија и да се одреди датумот, а Договорот од Преспа меѓу Македонија и Грција беше оценет како историски, а нашата земја како „светол пример“ во регионот.
„Со задоволство констатирам дека Албанија и Северна Македонија остварија напредок. Македонија со двата договора со Грција и Бугарија е светол пример за другите. Затоа, предлагам да ги отвориме преговорите со Македонија и Албанија и тоа веднаш“, рече Хан.
Следно е предлогот да биде одобрен и од советот на министри на земјите членки на ЕУ, кој треба да се одржи во јуни.
Тогаш ќе се знае дали земјава ќе добие датум за преговори за членство во ЕУ.
Мери Јордановска