Пациентка родена 1962 година со детектиран вирус на грип од типот А (H1N1) почина денеска во Градската општа болница „8 Септември“ во Скопје. Таа е петта жртва на вирусот на грип оваа сезона.
Пациентката на 19 февруари, стои во соопштението од болницата, беше хоспитализирана на инфективното одделение во тешка општа сосојба, со глобална респираторна инсуфициенција со сатурација на кислород под 50 отсто и поставена на асистирана вентилација.
Анамнестички болеста почнала 10 дена пред приемот. Веднаш е повикан конзилиарен инфектолог кој поставил сомнение за Х1Н1, што е потврдено и со анализите направени во Институт за јавно здравје. Пациентката била веднаш поставена на антибиотска терапија и на тамифлу, но и покрај сите преземени мерки денеска починала.