Шефот на турската дипломатија Ахмет Давутоглу изјави дека ниту една сила не може да ја отргне Турција од Европа.
Тој зборувајќи за напорите на земјата за да стане членка на Европската унија посочи дека Турција и Европа имаат културно-демографски и економски односи, како и историско минато.
– Со присуството на Балканот, како и во Германија, во Франција и општо во цела Западна Европа, ниту една сила не може да не отргне од Европа, посочи Давутоглу на вчерашната средба во Истанбул организирана од Здружението на независни индустријалци и бизнисмени во Турција.
Турција ги почна преговорите за членство во Унијата во 2005 година, но од вкупно 35 поглавија досега има затворено само едно поглавије. Неколку поглавија се блокирани од низа причини од различни земји-членки на ЕУ.