Французинот Лукас Пуј го освои првиот шампионски трофеј во својата кариера на турнир на трева.
Тој денеска во финалето на АТП турнирот во Штутгарт, Германија, го совлада Фелисијан Лопез (Шпанија) со 2-1. По нешто повеќе од два часа игра.
Шпанскиот тенисер го доби првиот сет со 6:4, Пуј изедначи во вториот сет во кој се играше тај-брејк (7:6), а во решавачкиот беше 6:4.
За Пуј ова е трета титула во кариерата, по триумфите во Мец и Будимпешта мината година.