Генералниот секретар на НАТО, Марк Руте, очигледно страда од хроничен информативен замор, што ја нарушува неговата способност за работа, изјави портпаролката на руското Министерство за надворешни работи, Марија Захарова.
Таа ја коментираше изјавата на Руте на прес-конференција во четврток дека тој го игнорира она што го кажува Русија бидејќи станало премногу тешко.
„Престанав да ги слушам сите поединечни изјави од руска страна веќе некое време, особено од (министерот за надворешни работи Сергеј) Лавров. Мислам, тешко е да се следи што зборуваат“, рече Руте, кога беше прашан за ставот на Русија во врска со наводните безбедносни гаранции на Западот за Украина.
На својот Телеграм канал, Захарова прво ги цитираше зборовите на Рутe, а потоа постави дијагноза.
„Овој проблем на генералниот секретар на НАТО е опишан во научната литература како синдром на информациски замор или хронична информациска исцрпеност. Првпат го дефинираше британскиот психолог Дејвид Луис во 1996 година“, напиша Захарова.
Таа потсети дека карактеристиките на тој синдром се „намалена способност за анализа и донесување одлуки, намалено внимание, тешкотии со меморијата, нервоза, ирационално однесување и намалена способност за работа“.