Специјалниот американски пратеник Стив Виткоф и зетот на американскиот претседател Џаред Кушнер денес се сретнаа со претседателот на САД, Доналд Трамп и го информираа за вчерашната средба со претседателот на Русија – Владимир Путин во Москва, објави Ројтерс, повикувајќи се на неименуван извор од Белата куќа.
„Соединетите Американски Држави и Русија учествуваа во темелен и продуктивен состанок. Пратеникот Виткоф и г-дин Кушнер го информираа претседателот, а потоа и Украинците“, рече изворот на агенцијата.
Виткоф и Кушнер во вчера одржаа петчасовен состанок со Путин во Кремљ. Страните разговараа за мировниот план предложен од Вашингтон.
На 30 ноември во САД се одржа состанок меѓу украинската и американската делегација во врска со планот за воспоставување мир во Украина.
Претходните преговори се одржаа на 23 ноември во Женева со учество на европски претставници.