САД и Кина се договорија значително да ги намалат царините меѓусебно за стоки за период од 90 дена, по преговорите одржани минатиот викенд.
Говорејќи во Женева, американскиот министер за финансии Скот Бесент рече дека „двете страни ќе ги намалат тарифите за 115%“ откако се согласија на 90-дневна пауза.
Станува збор за значајна деескалација на трговската војна која ескалираше минатиот месец. Пред денешниот договор, САД ги зголемија тарифите за кинески стоки на 145% (вклучувајќи дополнителни 20% наметнати за ограничување на увозот на фентанил во САД), додека Пекинг возврати со царини од 125% за увозот од САД.
Бесент им рече на новинарите дека „двете страни покажаа голема почит“ за време на разговорите и дека „двете страни сакаат урамнотежена трговија“