Најмалку 15 луѓе загинаа, а повеќе од 40 се повредени во пожар што зафати станбена зграда во источна Кина, соопштија локалните власти.
2月23日凌晨4时南京市雨花台区明尚西苑6栋疑似因电动车充电发生火灾，搜救工作已基本结束，火灾已造成4人死亡。 pic.twitter.com/YgN3YjNmfO
— 吴文行wenxingwu (@wuwenhang) February 23, 2024
Снимките на социјалните мрежи покажаа пламен и облаци од црн чад како проголтаа неколку ката од облакодер во градот Нанџинг.
At least 15 people killed, 44 injured in fire at apartment building in Nanjing, China.
— AZ Intel (@AZ_Intel_) February 24, 2024
Официјални лица изјавија дека пожарот избувнал на првиот кат од зградата, каде што се чувале електрични велосипеди, но точната причина за пожарот останува под истрага.
Зградата се наоѓа во областа Јухутаи во Нанџинг, град со повеќе од осум милиони жители кој се наоѓа на околу 260 километри северозападно од Шангај.
Екипите за итни случаи првпат примиле извештаи за пожар во петокот во 4.40 часот по локално време, соопштија властите утринава. На интервенција биле испратени 25 противпожарни возила и 130 пожарникари, а пожарот бил изгаснат во шест часот. Акцијата за пребарување и спасување заврши околу 14 часот.
Од 44 повредени лица испратени на лекување во болница, еден е во критична состојба, а другиот е тешко повреден, соопштија официјални лица.
На прес-конференција, градоначалникот на Нанџинг, Чен Жичанг, изрази сочувство и им се извини на семејствата на жртвите.