Најмалку девет лица ги загубија животите, додека 55 беа повредени за време на третиот ден од гранатирањето на сирискиот град Алепо, поточно населбите Ашрафија и Шеик Максуд, објави сириското Министерство за здравство, наведувајќи дека нападите ги извршиле Сириските демократски сили предводени од Курдите.
Fighting between Syrian government forces and the Kurdish-led Syrian Democratic Forces (SDF) has entered a third day in the northern city of Aleppo, driving thousands of residents out of their homes pic.twitter.com/vSqhAGSK1i
— Yeshi Seli (@YeshiSeli) January 8, 2026
Како што објави сириската државна агенција Сана, бројот на цивилни жртви се зголемува откако, според министерството, силите на СДФ ги таргетирале населените области во градот, дополнително влошувајќи ја веќе тешката безбедносна и хуманитарна ситуација.
Од друга страна, командантот на СДФ, Мазлум Абди, изјави дека продолжувањето на борбите и употребата на воена реторика за наметнување еднострани решенија е неприфатливо и дека тоа довело до масакри во минатото.
Според Ал Џезира, тој рекол дека распоредувањето тенкови и артилерија во делови од Алепо, како и обидите за влегување во курдските населби за време на преговорите, ги поткопуваат шансите за постигнување договор.
Large numbers of civilians were observed fleeing the Sheikh Maqsoud and Ashrafieh neighborhoods in the city of Aleppo, northern Syria, as clashes intensified between the Kurdish-led Syrian Democratic Forces (SDF) and the Syrian Arab Army. While estimates vary, some sources… pic.twitter.com/Q1WgxtAYMB
— Fared Al Mahlool | فريد المحلول (@FARED_ALHOR) January 8, 2026
Абди додаде дека СДФ соработува со сите страни со денови во обид да ги запре нападите и да ја смири ситуацијата.
Во исто време, внатрешните безбедносни сили во Алепо ги повикаа членовите на вооружените групи да се дистанцираат од формациите што дејствуваат надвор од законот и да го предадат своето оружје. Во нивното соопштение се наведува дека вооружените групи во населбите Ашрафија и Шеик Максуд се одговорни за смртта и повредите на цивилите и дека овие групи продолжуваат да избегнуваат да ги исполнуваат своите обврски.
Во меѓувреме, функционер на турското Министерство за одбрана изјави дека војската на земјата е подготвена да ја „поддржи“ Сирија во нејзината борба против борците на СДФ доколку Дамаск побара помош.
Турција ги смета СДФ за „терористичка организација“ поради нивните врски со Курдистанската работничка партија, или ПКК, која води децениски конфликт на турска територија иако мировниот процес е во тек.
Претходно во текот на денот, владини претставници изјавија дека околу две третини од цивилите избегале од борбите, додека се проценува дека повеќе од 100.000 луѓе се заробени во зоната на конфликтот.