Две сестри беа извлечени од зграда во Антакија, по серијата разорни земјотреси што ја погодија оваа земја, но и соседна Сирија.
На Твитер беше споделено видео од спасувачката операција, а на него се гледа како спасувачите извлекуваат две жени од тесен премин во зградата оштетена од земјотресот.
The Communist Party of Turkey (TKP) Antakya rescue team has just pulled two sisters out of the rubble alive. Everyone in Turkey – revolutionaries, communists, Islamists, secularists, nationalists – is trying to do their best. Solidarity. pic.twitter.com/711x7C3yx8
— Levent Kemal (@leventkemaI) February 7, 2023
„ Спасувачкиот тим на Комунистичката партија на Турција (ТКП) Антакија штотуку извлече живи две сестри од урнатините. Сите во Турција – револуционери, комунисти, исламисти, секуларисти, националисти – се трудат да дадат се од себе. Солидарност“, стои во твитот во кој е споделено видеото.
Повеќе од 4.800 луѓе загинаа во серијата разорни земјотреси во Турција и Сирија. Вчерашниот ден го одбележа катастрофа која долги години не е видена во овие две земји, а во текот на ноќта се случи уште еден земјотрес со јачина од 5,6 степени во централна Турција. Во наредните денови се очекува да бидат откриени уште жртви, а сеизмолозите предупредуваат дека тлото ќе продолжи да се тресе.