Американскиот претседател Доналд Трамп ја коментираше кризата во шпанската енклава Сеута и рече дека сцените од таа земја се „ужасни“. Тој смета дека слично сценарио би можело да се случи и во САД.
„Тоа е застрашувачки. Запомнете ја таа слика. Тоа ќе бидеме ние за три години ако победи погрешната страна“, рече Трамп.
Со тоа, тој алудираше на можноста Демократската партија да победи на изборите.
Во интервјуто со водителката на „Фокс њуз“, Џеки Хајнрих, спроведено денес, тој дополнително го појасни својот став.
„Ако демократите дојдат на власт, нема да имате многу добар живот“, рече тој.
За потсетување, околу 60.000 мигранти преминаа од Мароко во шпанската северноафриканска енклава Сеута од вчера досега, соопшти локалниот гувернер.
Претходно, шпанското Министерство за внатрешни работи процени дека во градот влегле околу 49.000 луѓе. Меѓу нив има стотици деца, од кои некои се впуштиле во опасно патување без знаење на нивните родители.
Бројот на загинати за време на преминувањето се искачи на 41.