Американскиот претседател Доналд Трамп изјави дека Иран не го контактирал во врска со медиумските извештаи за прекин на мировните преговори, пренесува NBC News.
„Тоа е очекувано, бидејќи тие се подобри преговарачи од борци“, рече Трамп во краткиот разговор.
„Тоа не значи дека ќе почнеме да фрламе бомби во сите правци. Блокадата останува на сила“, додаде тој, истакнувајќи дека верува оти „има премногу разговори“ и дека „молчењето би било многу добро“.
Изјавите доаѓаат откако полуофицијалната иранска новинска агенција Тасним објави дека иранските преговарачи ќе ги прекинат „разговорите и размената на пораки преку посредници“.
Агенцијата, исто така, објави дека Иран започнал целосна блокада на Ормутскиот теснец и ќе го таргетира теснецот Баб ел-Мандеб, кој го поврзува Црвеното Море со Аденскиот Залив и Индискиот Океан.