Новоизбраниот американски претседател Доналд Трамп објави дека го назначил конгресменот од Флорида – Мајк Волц на позицијата советник за национална безбедност во новата администрација.
„Чест ми е да објавам дека конгресменот Мајк Волц е назначен да служи во мојот кабинет како мој советник за национална безбедност“, напиша Трамп на платформата „Тruth“.
Како што истакна, Волц 27 години служел во специјалните сили на армијата, каде повеќепати бил ангажиран во битки за кои добил четири медали.
Тој додаде дека Волц е „признат лидер во националната безбедност и експерт за заканите од Кина, Русија, Иран и глобалниот тероризам“.