Претседателот на САД, Доналд Трамп, ги обвини советниците на неговиот претходник Џо Бајден дека свесно ја искористиле неговата ментална слабост за да пуштаат имигранти преку јужната граница, и ова, според него, претставувало „велепредавство од највисоко ниво“.
Во објава на социјалната мрежа TruthSocial, Трамп тврди дека политиката на отворени граници не била иницирана од самиот Бајден.
– Тоа не беше негова идеја – тој никогаш не би дозволил секакви криминалци да доаѓаат слободно во нашата земја, напиша Трамп.
„Тоа беа луѓето кои знаеја за неговите когнитивни проблеми. Тие ја украдоа претседателската функција и ја доведоа нашата земја во сериозна опасност“.
Трамп посочи дека „вистинскиот“ Бајден, оној што јавноста го познаваше, никогаш не би дозволил влез без контрола на „нарко-картели, бандити и ментално нестабилни лица“.
По 20 јануари откако стана претседател, досега се приведени 48.846 мигранти, од кои дел се нелегални, според податоци на имиграциската служба на САД.
Бројот на нелегални премини во април 2025 година паднал на 8.400 – најниско ниво од 2000 година, а по постојано намалување што започнало во март 2024 година.