Американскиот државен секретар Марко Рубио изјави дека украинскиот претседател Володимир Зеленски должи извинување за начинот на кој помина неговата средба во Белата куќа со американскиот претседател Доналд Трамп.
Во интервју за Си-Ен-Ен, Рубио рече дека изјавите и ставот на Зеленски ги загрозуваат обидите на САД да ја доведат Русија на преговарачка маса и да ја истражат можноста за постигнување мир.
Тој посочи дека украинскиот претседател ги знаел позициите на американската администрација пред да дојде во Вашингтон, но дека неговото појавување во Овалната соба предизвикало „предвидлив исход“.