Кандис Скот од Тексас е невработена учителка и овој вторник наутро со својот автомобил прегазила торба накоја стоела логото на една банка. Торбата била полна со банкноти од 100 долари
Се вкупно во неа имало 20.000 долари, кои учителката одлучила да ги одведе до најблиската филијала на банката чие лого се наоѓало на торбата. “Пронајдов нешто што не ми припаѓа мене. И сакав да го вратам тоа таму каде што му е местото”, изјавила бившата учителка која останала без работа откако се преселила со своето семејство, додавајќи дека не помислила воопшто да ги задржи парите.
“Луѓето не ми веруваат кога им го велатм тоа, но таа мисла воопшто не ми помина низ глава. Само сакав да ги вратам размислувајќи за тоа во колкава паника е нивниот сопственик”.
Пред да го види логото мислела дека тоа се “валкани” пари: “Малку ми беше страв кога ја земав. Но тогаш ја видов ознаката на банката”.
Во прашање биле пари кои требале да стасаат до банкомат. Банката од благодарност на Скот ја наградила со 500 долари.