Властите во Доминиканска република вчера евакуираа приближно 12.000 лица заради поплавите во североисточниот дел на земјата, пренесоа американските медиуми.
Шефот на службата за цивилна заштита, Минерва Сантос, изјави дека надојдените реки го прекинале пристапот до неколку населби во близина на популарниот туристички регион Пуерто Плата. Според него, обилните дождови предизвикале штети врз посевите и патиштата.
Околу 2.400 куќи се настрадани од поплавите, а дождовите ќе продолжат и денеска, соопштија претставници на локалните власти.