Властите во Мали трагаат по најмалку три лица осомничени дека учествувале во вчерашниот напад врз хотелот „Радисон блу“ во Бамако, при што загинаа 21 човек.
Претседателот на Мали, Ибрахим Бубакар Кеита изјави дека во нападот загинале 21 лице, од кои двајца исламски екстремисти, а седуммина се повредени.
Кеита прогласи тридневна жалост и воведе вонредна состојба, која ќе трае 10 дена.
Група вооружени исламисти вчера упаднаа во холеот „Радисон блу“ и држеа 170 луѓе како заложници, кои подоцна беа ослободени од полицијата.