Бројот на загинати во уривањето на покривот на ноќниот клуб Џет Сет во Санто Доминго се искачи на 231, соопшти денеска министерката за внатрешни работи на Доминиканската Република – Фариде Рафул.
Несреќата во реномираниот ноќен клуб се случи пред една недела. Рафул објасни дека на лице место биле регистрирани 221 жртва, а уште 10 починале подоцна во болниците.
Како што објавија медиумите претходните денови, во несреќата загина гувернерот на провинцијата Монтекристи, Нелси Круз, а повредена е пејачката на меренге – Руби Перез, која настапувала кога се урна таванот.
Очевидци наведуваат дека се се случило многу брзо, околу еден час по почетокот на концертот и дека прво мислеле дека е земјотрес.
Се уште не е позната причината за уривањето на таванот.