Израелскиот премиер Бенјамин Нетанјаху денес изјави дека борбата против Хамас и неговото уништување, како и истовременото ослободување на заложниците, не се во спротивност, односно дека не е потребно да се откажеме од борбата со Хамас за да ги ослободиме заложниците.
„Ви велам, Хамас нема да преживее. Нема да има Хамастан. Нема да се вратиме на тоа. Тоа е завршено. Ќе ги ослободиме сите наши заложници“, рече Нетанјаху за време на неговата посета на Ашкелон, според „Тајмс оф Израел“.
Тој ги окарактеризира сугестиите дека овие две спротивни цели се „глупости“, наведувајќи дека целите одат заедно и дека Хамас ќе биде елиминиран до крај.
Според извештајот на Канал 13, Нетанјаху за време на состанокот за војната во Газа рекол дека Хамас нема да остане во Газа освен ако „тој не е мртов“.