Јахтата која ја нарача кралското семејство на Обединетите Арапски емирати, со своите 180 метри е најголемата јахта на светот, според годишната листа на списанието Yaxchts France.
Таа на второ место ја потисна Eclipse, 163 метри долгата јахта на рускиот милијардер Роман Абрамович, која три години ја предводеше листата „100 најголеми јахти на светот“, која секоја година ја објавува специјализираното списание на кое без изненадување секоја година се наоѓаат најбогатите луѓе на светот.
Јахтата Azzam која е изградена во германското бродоградилиште Лирсен, има шест палуби и салон од 550 квадратни метри. Може да развие брзина од 31,5 чворови. Сопственик е челникот на Емиратите шеик Калифа бен Зајед ал Нахиан, пишува списанието.
Најбројни на пописот на сопственици на 100-те најголеми јахти во 2013 г. и натаму се жителите на Блискиот исток (31 јахта, следат Русите (19) и Американците (17).
Голем број од овие јахти се изнајмуваат, како на пример Eclipse, чија цена изнесува од 4 до 5 милиони долари за една недела, прецизира списанието.