Во последните 24 часа во Мексико има 9741 нов случај на Ковид-19, починале 1214 пациенти соопшти Министерството за здравство. Од почетокот на пандемијата во Мексико има вкупно 1 988 695 регистрирани случани, а битката со болеста ја загубија вкупно 173 771 лице.
Со зголемувањето на бројките на новозаразени и на починати во последниот период Мексико е на третото место во светот зад САД и зад Бразил. Властите соопштија дека бројката на заразени и на починати веројатно е и поголема од официјалните податоци затоа што во земјата се прават многу малку тестови.
Во последното деноноќие Бразил пријави нови 44 299 случаи. И во оваа земја има повеќе од 1000 починати за 24 часа. Вкупната бројка на регистрирани случаи заболени од Ковид-19 е 9,8 милиони.