Заменик-претседателот на рускиот Совет за безбедност – Дмитриј Медведев денеска оцени дека идната администрација на новоизбраниот американски претседател Доналд Трамп нема да има лесни преговори со Киев во врска со ситуацијата во Украина.
Рускиот функционер е убеден дека Киев ќе продолжи да инсистира на тотална војна „до последниот Украинец“, како и одложување на изборите што е можно подолго бидејќи тоа е единствениот начин да се зачува моќта на Володимир Зеленски за кого, вели тој, е нелегален претседател, објави агенцијата „РИА Новости“.
– Администрацијата на Трамп нема да има лесни преговори на оваа тема со Бандеровиот режим. Завршувањето на војната би значело смрт за Зеленски и неговите. Тоа би бил крајот на нивното крваво владеење – напиша Медведев на својот канал Телеграм.