Државниот секретар на САД, Марко Рубио, денес, по состанокот на кабинетот во Белата куќа, изјави дека војната во Украина не е американска војна, објавија американските медиуми.
„Тоа не е наша војна, тоа не е војна на претседателот. Никогаш немаше да се случи ако Доналд Трамп беше претседател. Тој е единствениот лидер во светот кој може да помогне да се заврши“, рече Рубио, според Скај њуз.
Трамп на состанокот на кабинетот претходно денес изјави дека САД повеќе не учествуваат финансиски во војната во Украина и дека неговата администрација се фокусира на дипломатско завршување на војната.