Во следните осум до десет дена ќе го зголемиме притисокот врз Русија. Ова го изјави претседателот на Франција, Емануел Макрон, во интервју за францускиот неделник „Пари Мач“.
Во интервјуто, тој смета дека успеал да ги убеди Американците за можноста за ескалација на заканите и евентуално воведување санкции против Москва.
„Следните петнаесет дена ќе бидат клучни во обидот за спроведување на прекинот на огнот“ во Украина, рече Макрон.
Во интервјуто, Макрон исто така рече дека Фридрих Мерц ќе ја посети Франција на 7 мај, што ќе биде негова прва посета како германски канцелар.
Тој, исто така, посочи дека Франција и Полска ќе потпишат договор за пријателство на 9 мај во францускиот град Нанси. На церемонијата ќе присуствува полскиот премиер Доналд Туск.
Макрон нагласи дека овој договор ќе биде историски меѓу Полска и Франција.