Францускиот фоторепортер Антони Лаликан почина денес во Украина како жртва на руски напад со беспилотни летала додека ја придружуваше украинската армија на фронтот, објави францускиот претседател Емануел Макрон.
„Нашиот сонародник ја придружуваше украинската армија на фронтот на отпорот. Со длабока тага дознав за неговата смрт, жртва на руски напад со беспилотни летала“, напиша францускиот претседател на X.
Во таа пригода, тој им оддаде почит на сите оние кои „го ризикуваат својот живот, ја информираат (јавноста) и сведочат за реалноста на војната“.
Макрон изрази сочувство до семејството на починатиот фоторепортер.