Францускиот претседател Емануел Макрон денес изјави дека жали што прашањата за животната средина станаа „лесна мета за екстремистите“ во последните години и дека Франција мора да продолжи да ја намалува употребата на фосилни горива.
„Забележав во последните години дека екологијата стана лесна мета, особено за екстремистите, и дека на некој начин таа е сцена на популизам“, рече Макрон на почетокот на состанокот на Советот за еколошко планирање во Париз, пренесува Фигаро.
Тој повика на „континуиран напредок по многу специфични прашања“, од забрзување на електрификацијата до промовирање на економијата за рециклирање и повторна употреба.