На улиците на градовите во југоисточна Турција и Сирија, луѓето ги напуштија своите домови за да се скријат во своите автомобили, стравувајќи од последователни потреси и повеќе урнати згради.
Спасувачките екипи и жителите сè уште френетично бараат преживеани под урнатините на смачканите згради во голем број градови од двете страни на границата.
Десетици носат парчиња бетон и искривен метал во турски град разурнат од земјотресот. Луѓето на улица викаат еден на друг, обидувајќи се да најдат преживеани во делумно урната станбена зграда која опасно се наведна.
Жителите на градот Пазарчик рекоа дека се плашат за луѓето затрупани под паднатите згради. Силниот потрес го разбудил Нихат Алтундаг, жител на градот.
“Нашата куќа изгледа цврсто однадвор, но внатре има пукнатини. Околу мене има уништени згради, има куќи што горат. Има згради кои пукаат. Се урна зграда на само 200 метри од местото каде што сум сега. Фала му на Бога, нашиот пријателите се безбедни, но слушнавме дека има луѓе кои не можат да излезат од своите домови и има луѓе до кои не можеме да дојдеме“, изјави тој за „Гардијан“.
Се чека да изгрее сонцето за да се види вистинската магнитуда на земјотресот. Сите луѓе се надвор, сите во страв.
Државните медиуми покажаа вознемирени луѓе ширум јужна Турција како се гужваат по улиците, поради предупредувањата од локалните служби за итни случаи дека луѓето сè уште може да останат заробени под урнати згради.
„Пазарчик е во урнатини“, рече жителот Хусеин Сати.
„Зградата во која живеам не е толку висока и е изградена според прописите за земјотреси за да не се сруши. Но, сè уште има пукнатини на ѕидовите. Еден мој сосед го скрши грбот скокајќи од балконот за време на земјотресот и тој е сега во болница“, тврди тој.
Сати вели дека цивилите избезумено се обидуваат да им помогнат да ги ископаат своите соседи од под срушените згради.
„Двајца мои пријатели моментално се под урнатините, се обидуваме да дојдеме до нив“, изјави тој за „Гардијан“.
Во меѓувреме, во турскиот Газиантеп, жител на Ердам изјави за Ројтерс дека никогаш не почувствувал земјотрес со таква јачина.
„Тие не потресоа најмалку три пати многу силно, како бебе во креветче“, рече тој.
Сите седат во своите автомобили или се обидуваат да возат на отворени простори подалеку од зградите. Веројатно ниту еден човек во Газиантеп не е сега во своите домови.
Фото: БГНЕС