Училиштата се затворени, а на луѓето им е наредено да се евакуираат откако избувна голем пожар во фабрика на производители на авиони во град северно од Филаделфија.
Пожарот избувнал во SPS Technologies во Џенкинтаун околу 21.30 часот по локално време.
„Сведоците пријавија експлозија и пламенот може да се види во магацинот“, се вели во соопштението на полициската управа во Абингтон на социјалните мрежи.
Зградата е евакуирана, згрижени се сите вработени, а повредени нема.
Училишниот округ Абингтон и Џенкинтаун и сите приватни и парохиски училишта денеска се затворени.
На луѓето им беше наредено да се засолнат некое време, додека инцидентот не биде ставен под контрола, поради страв од ширење на отровни хемикалии.
Властите го следеа квалитетот на воздухот и ги советуваа сите бизниси во радиус од два километри да останат затворени до понатамошно известување.
Транспортната управа на Југоисточна Пенсилванија предупреди дека сообраќајот на три регионални железнички линии е прекинат поради пожарот, истакнувајќи дека тој може да предизвика доцнења во другите делови на системот.