Во регионите окупирани од Русија во Украина започна предвременото гласање за претседателските избори во Русија следниот месец.
– Започна предвременото гласање во јужниот регион на Украина окупиран од Русија, јавува државната новинска агенција ТАСС.
Секако, Украина ја осуди намерата на Русија да организира гласање на претседателските избори на окупираната украинска територија.
Изборните службеници ќе одат од врата до врата со гласачки ливчиња и кутии во „тешко достапните области“.
Оваа категорија ги вклучува окупираните региони Доњецк, Луганск, Запорожје и Херсон.
– Први ќе гласаат луѓето кои живеат во близина на линијата на фронтот и припадниците на војската, пренесе Тас.
Претседателските избори ќе се одржат во периодот од 15 до 17 март. Рускиот претседател Владимир Путин ја објави својата кандидатура за реизбор во декември. Речиси сигурно ќе освои уште еден шестгодишен мандат.