Селекторот на фудбалската репрезентација на Нигерија, Ерик Шел, ги обвини членовите на конгоанскиот тренерски штаб дека практикувале вуду магии за време на изведувањето на пеналите во плејофот за Светското првенство во 2026 година, откако неговата репрезентација беше елиминирана во квалификациите.
Eric Chelle couldn’t contain his anger after he saw someone from the DR Congo Team using dark magic (voodoo) in the shoot outs pic.twitter.com/eC2v9D9Kre
— Mr. Nigerian Football (@AJSilverCFC) November 17, 2025
Синоќа Конго ја победи Нигерија по изведувањето на пенали, бидејќи дуелот заврши со резултат 1:1, а херој беше резервниот голман Тимоти Фајулу, кој беше воведен кон крајот на продолженијата токму поради изведувањето на пенали.
Фајулу одбрани два пенали за да го одведе својот тим до интерконтиненталните квалификации што ќе се играат во март.
За време на изведувањето на пенали, беше забележано дека Шел беше видливо вознемирен и дека во еден момент се упати кон клупата на противникот.
„Човекот од конгоанскиот тренерски штаб правеше вуду. Секој пат, секој пат, затоа бев нервозен за него“, рече Шел по натпреварот, по објаснувањето со гестикулација со шише вода.
Нигерија не успеа да се квалификува на Светското првенство по втор пат по ред, и покрај тоа што имаше напаѓачи во полна форма во тимот, како што се Виктор Осимен и Адемола Лукман.
Поради повреда, Осимен беше заменет на полувремето, додека Лукман ја напушти играта во вториот дел од натпреварот.
Во 119-тата минута, селекторот на Конго, Себастијан Десабре, ги смени голманите, воведувајќи го Фајулу наместо Лионел Мпаси.
Потоа Фајулу ги одбрани ударите на Мозес Симон и Сами Аџаји, по што Шансел Мбемба го постигна решавачкиот пенал за триумф.