Осум репрезентации се пласираа во четвртфиналето на Европското првенство за кошаркарки што се одржува во Унгарија и во Романија.
По завршувањето на втората фаза четирите првопласирани од групите ја продолжуваат борбата за медалите.
Синоќа се комплетираше 5.коло од Ф групата што се играше во Ѓер: Словачка – Хрватска 84:62, Шпанија – Русија 66:57 и Србија – Литванија 72:73.
Табела Ф група: Шпанија 5-0 (победи-порази), Литванија 3-2, Русија 3-2, Србија 2-3, Словачка 2-3 и Хрватска 0-5.
Табела во групата Е: Турција 4-1, Франција 4-1, Белорусија 2-3, Црна Гора 2-3, Грција 2-3, Чешка 1-4.
Во четвртфиналето кое ќе се игра во Будимпешта двојките се: Турција – Србија и Литванија – Белорусија (24 јуни);
Шпанија – Црна Гора и Франција – Русија (25 јуни).