Меѓународниот боречки турнир „Македонски бисер“ викендов ќе се одржи во спортската сала „Јордан Мијалков“ во Штип. Организатор на турнирот е Федерацијата на боречки спортови на Македонија (ФБСМ), а технички организатор е боречкиот клуб „Балканец“ од Штип. Потпретседателот на ФБСМ, Дејан Богданов вели дека на „Македонски бисер“ ќе се одржи по 41 пат, а досега имаат потврдено учество на борачи од десет држави.
– Значи ќе имаме околу 100 учесници, а македонската репрезентација ќе учествува со најмногу борачи, така да љубителите на борењето ги поканувам викендов да бидат дел од „Македонски бисер“. Можам да кажам дека ќе има доста квалитетни борби и ќе имаме еден од досега најквалитетни организирани турнири, вели Богданов.
Тој истакна дека вечерва во 18 часот борачите ќе имаат мерење, а натпреварите почнуваат утре во 10 часот во спортската сала „Јордан Мијалков“ во штипската населба „Сењак“.
Се очекува на турнирот да присуствуваат спортски работници меѓу кои и претседателот на Европската федерација, Цено Ценов, како и претставници од Македонскиот олимпискиот комитет и Агенцијата за млади и спорт. Турнирот ќе биде можност и за повеќето судии да полагаат за стекнување на втора и трета категорија