Елина Свитолина повторно одби да се ракува со противничка, во случајов со руската тенисерка Ана Калинскаја.
Во осминафиналето на турнирот во Доха, Русинката славеше доста лесно – 6:4, 6:3. На крајот од тој натпревар се случи она што сите го очекуваа.
Svitolina is using the Ukraine war as an excuse to be a sore loser and not shake hands with her opponent when she losespic.twitter.com/H1DT2eQS8P
— Corvath Draemir (@Archaicmind3000) February 11, 2026
Украинката одби да ѝ честита на својата соперничка за победата. Штом го загуби последниот поен, отиде да се поздрави само со судијата.
Потоа Калинскаја самата се поздрави со судијата, а потоа ја прослави победата со навивачите на трибините.
Во четвртфиналето, Калинскаја ќе игра против Каролина Мухова (Чешка), на која сонародничката Каролина Плишкова ѝ го предаде натпреварот во осминафиналето.
Неодамна, Свитолина загуби од Арина Сабаленка во полуфиналето на Австралија Опен и го направи истото. Таа одби да се поздрави.