Манчестер Сити и официјално потврди дека Пеп Гвардиола ќе ја напушти функцијата менаџер по завршувањето на сезоната, ставајќи крај на една од најуспешните ери во историјата на клубот.
Шпанскиот стратег си заминува од „Етихад“ по десет незаборавни години, во кои освои дури 20 трофеи. Меѓу нив се шест титули во Премиер – лигата, трофеј во Лигата на шампиони, три ФА куп титули, пет Лига куп трофеи, три „Комјунити шилд“ трофеи, како и по една титула од Суперкупот на Европа и Светското клупско првенство.
"What a time we have had together." 🩵 pic.twitter.com/WpkFecBYT4
— Manchester City (@ManCity) May 22, 2026
Последниот натпревар на Гвардиола на клупата на „граѓаните“ ќе биде против Астон Вила во последното коло од шампионатот.
Според најавите од Англија, како главен фаворит за негов наследник се споменува Енцо Мареска, кој во минатото беше дел од стручниот штаб на Гвардиола.
Во овој момент нема информации дека Пеп ќе преземе друг клуб, а најавите се дека би можел да направи пауза од фудбалот, слично како Јирген Клоп.
Иако имаше договор со Манчестер Сити до следното лето, уште од стартот на сезоната се шпекулираше дека ова ќе биде неговата последна година во клубот.