Шпанскиот фудбалер Серхио Рамос го постигна својот прв гол во дресот на мексикански Монтереј во дуелот со Сантос кој го добија со 4:2 на домашен терен во 10. коло на Клаусура. Рамос го пронајде патот до мрежата во 57. минута.
🚨🇪🇸 EL PRIMER GOL DE SERGIO RAMOS EN LA LIGA MX CON RAYADOS DE MONTERREY! 🤯🇲🇽
— All Fútbol MX 🇲🇽 (@AllFutbolMX) March 3, 2025
При резултат 1:1, Монтереј нападна по десната страна, а Серхио Каналес одлично нафрли и го „вработи“ својот истоименик, кој со глава ја упати топката во мрежата.
За Рамос ова беше само втор натпревар во дресот на Монтереј, а веќе успеа да го постигне својот прв гол.
Со оваа победа Монтереј го зазеде деветтото место во поредокот, а сега заостанува 11 бода зад лидерот Леон.