Манчестер сити ќе биде без Рубен Дијаш во еден од најважните периоди од сезоната. Според извештаите од Англија, 25. годишниот стопер се здобил со повреда на колкот на натпреварите на Португалија на Светското првенство во Катар.
Дијаш за прв пат почувствувал болка во осминафиналето со Швајцарија, но неколку дена подоцна го одигра целиот натпревар против Мароко, кога Португалија доживеа елиминација од Мундијалот.
На тој натпрревар се влошила повредата на Дијаш. Најдобриот играч во Премиер лигата во 2021 година, ќе биде надвор од терените најмалку до февруари.
Ова значи дека Пеп Гвардиола нема да може да смета на својот подобар дефанзивец на клучните натпревари со Манчестер јунајтед и Челзи.
Сепак, Шпанецот има доволно играчи на таа позиција, па Ајмерик Лапорте, Џон Стоунс, Нејтан Аке и Мануел Аканџи беа на теренот во различни периоди од натпреварот против Ливерпул во четвртокот.
Извор: Топспорт