Репрезентациите на Шпанија, Русија и на Србија од групата Ф изборија пласман во четвртфиналето на Европското првенство (ЕП) што се одржува во Унгарија и во Романија.
Овие три селекции им се приклучија на Турција и на Франција од групата Е, кои ден претходно се пласираа за завршницата.
На синоќа одиграните дуели од Ф групата во Ѓер: Литванија – Хрватска 83:64, Русија – Словачка 75:61 и Шпанија – Србија 91:80.
Табела Ф група: Шпанија 8 бодови, Русија 7, Србија 6, Литванија 6, Словачка 5, Хрватска 4.
Денеска се играат натпреварите од 5.коло во групата Е во Дебрецин: Турција – Чешка (почеток 15:30 часот), Црна Гора – Грција (18 часот) и Белорусија – Франција (20:30 часот).
Табела: Турција 7, Франција 7, Белорусија 6, Црна Гора 6, Чешка 5, Грција 5.