Репрезентациите на САД и на Шпанија ќе играат во финалето на Светското првенство во ватерполо за жени, што се одржува во Будимпешта, откако синоќа во полуфиналните дуели постигнаа победи.
САД ја победи селекцијата на Русија со 14:9, додека Шпанија беше подобра од Канада со 12:10.
Финалето се игра во петок вечер.
Вечерва на програмата на СП во ватерполо се машките полуфинални дуели: Унгарија – Грција и Србија – Хрватска.