Португалскиот фудбалски ас Кристијано Роналдо (40) во разговор со британскиот новинар Пирс Морган рече дека авионот е најскапата работа што ја купил.
„Го имам мојот авион од мои 30 години, но речиси го сменив пред една година. Имам „Глобал експрес““, рече тој.
Роналдо рече дека парите повеќе не му се најважна работа, како што беше порано.
„Што се однесува до мене, како што реков и претходно, парите ти даваат можност да имаш материјални работи, што е добро. Сепак, сум во еден момент од мојот живот кога повеќе не ми е грижа за нив. Сега најважно за мене е што сакам да ја живеам следната фаза од мојот живот без скапи трошоци. Моите соништа веќе исчезнаа. Кога бев млад, во моите дваесетти и триесетти години, ги сакав автомобилите, сакав да возам, но повеќе ја немам таа страст. Авионот стана неопходност, бидејќи не сум обичен човек, не можам да бидам на аеродром. Затоа го купив авионот, и секако, поради удобноста. Но, повеќе не го барам, само сакам да уживам во животот“.
Португалецот го цитираше големиот психијатар и психотерапевт, Карл Јунг.
„Карл Јунг рече дека во четириесеттите години навистина знаеш и почнуваш да го живееш животот. Тогаш почнав да се чувствувам така. Парите се добри, но веќе не се најважната работа“.
Кристијано Роналдо повеќе не оди на шопинг за својата гардероба.
„Јас не одам на шопинг. Ако одам некаде, можам да купам што сакам, но повеќе не ми треба. Пред три дена купив автомобил, но за колекција. Тоа е како да купувам рамка за слика. Не го купив за да го возам, тоа е инвестиција. Купив бугати, како инвестиција“.
На прашање колку автомобили има, рече дека не е сигурен.
„Не знам колку автомобили имам, не ги бројам. Навистина не ги бројам. Не сакам да бидам скромен, тоа е факт. Ако треба да се обложуваме, би рекол 41. Се колнам во децата дека не знам. Ги сакам бугати, тие ми се омилени, тоа е поинаква ѕверка. Никогаш не возам. Го поминав викендот во Мадрид и дури не ја проверив гаражата дали автомобилите се таму. Откако си заминав, два бугати отидоа на проверка, ги проверив дали се добри, дали се чисти и дали се во гаражата“ рече Роналдо.
Во Саудиска Арабија, каде што живее од зимата 2022 година, повремено седнува зад воланот.
„Возам, но не возам премногу во Саудиска Арабија. Секогаш трениравме попладне и секогаш одев со возач. Сепак, кога се враќам дома, тогаш нема гужва и сите играчи имаат спонзорски автомобили „БМВ“, па одевме сами во нашите автомобили“, додаде Кристијано Роналдо, кој е под договор со Ал-Наср до летото 2027 година.