Поранешниот скаут на Спортинг од Лисабон, Аурелио Переира, почина на 77-годишна возраст, објавија светските медиуми.
Во 1988 година, Переира го основа Одделот за регрутирање и тренинзи во спортот и преку тој процес успеа открие фудбалери како Луис Фиго, Кристијано Роналдо, Нани и други.
Тој беше скаут на Спортинг три децении, а во португалската репрезентација која го освои првото место на Европското првенство во Франција во 2016 година имаше дури 10 фудбалери кои минаа „низ рацете на Переира“.
Заедно со Роналдо, Фиго и Нани, Переира работеше и со Рикардо Кварежма.
Кристијано Роналдо се прости и од својот „фудбалски татко“ преку Твитер:
„Не остави еден од најголемите симболи на светскиот фудбал, но неговото наследство ќе живее засекогаш. Засекогаш ќе бидам благодарен за сè што направи за мене и за многу други играчи. Збогум, господине Аурелио, ви благодарам за се. Почивај во мир“, напиша Роналдо кој никогаш нема да го заборави својот почеток на кариерата.