Нов пораз на женската кошаркарска репрезентација на Македонија во квалификациите за Европското првенство 2015 година кое ќе се одржи во Унгарија и Романија.
На средбата одиграна вчера попладне во салата Јасмин во Каварадци, а во рамките од 4. коло на квалификациската „Б„ група, репрезентацијата на Македонија загуби од Литванија со 59:101 .
Вообичаено најдобра во нашата селекција беше натурализираната Македонка (Американка) Криси Гивенс која средбата ја заврши со 29 поени, 6 скокови и 6 асистенции.
За избраничките на селекторот Горан Јовановиќ, ова беше четвртиот пораз во исто толку одиграни средби, по кој останаа „заковани„ на дното на табелата.
Во вториот натпревар од оваа група вечерва играат Белгија и Велика Британија.
Токму против овие две селекции македонските кошаркарски ќе ги одиграат двата последни натпревари и тоа на гостински терен, на 22. јуни кај Велика Британија односно 25. јуни против Белгија.
Табела: Литванија 4-0 (победи-порази), Велика Британија 2-1, Белгија 1-2 и Македонија 0-4.