Португалскиот тренер Рубен Аморим е отпуштен од Манчестер Јунајтед, по несогласувањата со челниците на клубот и серијата слаби резултати.
Одлуката е донесена денеска на состанок свикан од Џек Вилкокс и Омар Берада, на кој се разгледувала работата на Аморим и неговото однесување на прес-конференцијата по вчерашното реми со Лидс (1:1) во Премиер лигата.
Аморим во својата изјава истакна дека во Јунајтед е ангажиран како менаџер, а не само како тренер, и дека не е единствено виновен за лошите резултати на клубот од „Олд Трафорд“.
За привремено решение на клупата е назначен легендата на клубот, Дарен Флечер, додека се бара трајна замена за Португалецот.