Македонските ракометари загубија од Холандија со 32:37 во второто коло на Светско првенство во ракомет.
Пулените на Кирил Лазаров не успеаја да парираат до крај на брзата игра која ја форсираа „лалињата“, но не можеа ниту да се адаптираат на чудниот критериум на данските арбитри.
Да не се заборави дека македонските ракометари имаа дури 14 загубени топки, па првиот пораз на Мундијалот беше неизбежен.
Холанѓаните триумфираа иако нивните голмани имаа само четири интервенции, но ракометарите во портокалово на овој меч изведоа дури 13 седмерци.
Кај Македонија имаше дури седум санкции од по 2 минути, а црвени картони добија Павле Атанасијевиќ и Милан Лазаревски.
Најефикасен во нашиот национален тим беше Кузмановски со девет гола, а Серафимов постигна шест.