На Европското првенство во борење што претстои во Тбилиси од 19-ти до 24-ти март, Македонија ќе настапи со тројца борачи, Јасин Реџелари (60 кг), Дејан Митров (66 кг), Бобан Данов (120 кг). Нив ќе ги предводи како тренер Љуљзим Вренези, кој се повеќе ја презема тренерската улога во борењето.
ЕП е прв вистински предизвик за македонските борачи годинава, кои уште во 2013 ќе настапат и на Медитеранските игри и на Светското првенство.
На последниот тест, турнирот „Дан Kолов“ во Бугарија минатиот викенд борачите не минаа најдобро и не се доближија до освојување на некој од медалите. Дејан Митров во категоријата до 66 килограми се пласира на 18. место од 19 борачи, Јасин Реџелари го освои 13. место од 16 борачи во категоријата 60 килограми, Горан Атанасов беше 12. од 22 борачи во категоријата 74 килограми, а Бобан Данов беше 10. од 11 борачи во категоријата 120 кг.