Легендарниот кошаркар Мајкл Џордан продолжува да потврдува дека е голем човек на теренот, но и надвор од него. Имено, еден од најдобрите кошаркари на сите времиња е и одличен бизнисмен. Форбс, страница специјализирана за деловни информации, го рангираше Џордан меѓу најбогатите спортисти во светот, проценувајќи ја неговата вредност на над три милијарди долари.
Шесткратниот НБА шампион во изминатата година заработи меѓу 150 и 250 милиони долари, најмногу благодарение на долгогодишниот договор со Најк. Оваа сума ја надминува вкупната заработка во текот на целата негова кошаркарска кариера, која изнесува 94 милиони долари, вклучувајќи ги и периодите на играње за Чикаго и Вашингтон.
Џордан започна соработка со Најк откако оваа компанија победи во конкуренција на Конверс и Адидас. Првичниот петгодишен договор бил вреден 2,5 милиони долари, но мајката на Мајкл постигнала договор Џордан да добие 25 отсто од продажбата на патики со неговиот лик. Најк се согласи со условите, постигнувајќи историски успех.
Од вкупната продажба на брендот Џордан, овој 60-годишник заработил 256 милиони долари. Покрај тоа, тој го продаде својот удел во НБА тимот Шарлот Хорнетс, со кој вредноста ја надмина магичната бројка од три милијарди долари.
Да потсетиме, Џордан во текот на целата своја кошаркарска кариера заработи вкупно 94 милиони долари, од кои 28,3 милиони додека играше за Булс до 1995 година, а останатиот износ во последните две сезони од натпреварот за Визардс.