Еден од најдобрите играчи на сите времиња, Кристијано Роналдо денеска го слави својот 40-ти роденден.
Неговиот поранешен клуб Реал Мадрид беше меѓу првите кои му честитаа и тоа на многу емотивен начин.
„Почитуван Кристијано, сакаме да ви ги испратиме нашите најтопли желби по повод вашиот 40-ти роденден. Секој Мадрид иста е горд на легенда како што сте вие и се што претставувате за нашата историја. Поминете одличен ден со вашето семејство и најблиските“, соопштија од Реал Мадрид.
🥳 Dear @Cristiano, from Real Madrid, we want to send you our warmest wishes on your 40th birthday. Every madridista is proud of the legend that you are and what you represent for our history. Have a great day with your family and loved ones. pic.twitter.com/9Chf1wySND
— Real Madrid C.F. 🇬🇧🇺🇸 (@realmadriden) February 4, 2025
Роналдо доби емотивна честитка и од неговиот матичен клуб Спортинг Лисабон.
„40-годишнината од легендата на светскиот фудбал #MadeInSporting, најдобриот португалски играч на сите времиња и 100.000. член на нашата голема љубов. Среќен роденден, Кристијано Роналдо“, пишуваат од Спортинг.
O 40.º aniversário de uma Lenda do Futebol Mundial #MadeInSporting, o melhor jogador português de sempre e o Sócio 100 mil do nosso grande amor 💚
Parabéns, @Cristiano 🐐👑 pic.twitter.com/7FxYINtSkE
— Sporting CP (@SportingCP) February 5, 2025
Многу поскромни беа честитките од Манчестер Јунајтед и Јувентус.
„Среќен 40-ти роденден, Кристијано“, напишаа од Манчестер Јунајтед, а истата порака ја испратија и од Јувентус.
Happy birthday, @Cristiano 🇵🇹#MUFC pic.twitter.com/DFbVePcoJ2
— Manchester United (@ManUtd) February 5, 2025
Роналдо во пресрет на својот 40-ти роденден даде интервју за шпанскиот „El Chiringuito“ во кое се прогласи за најдобар на сите времиња.
„Досега имам постигнато 923 гола, но не ми е важно дали ќе имам 930, 950 или што и да е во кариерата. Ако успеам да постигнам 1.000, одлично. Ако не, исто така е во ред. Но бројките не лажат. Јас сум најдобриот фудбалер во историјата, точка! Можеби ги претпочитате Пеле, Меси или Марадона. Јас го разбирам и почитувам тоа, но јас сум најдобриот и најкомплетниот играч досега. Не сум видел подобар фудбалер од мене. Добар сум со глава, добар од слободен удар. Убаво шутирам со левата и со десната нога… Брз сум, силен, добро скокам… Да се каже дека Португалецот не е целосен фудбалер е лага“ рече тој.
Роналдо постигна 923 гола додека настапуваше за Спортинг Лисабон, Манчестер Јунајтед (двапати), Реал Мадрид, Јувентус, Ал Наср и португалската репрезентација, што значи дека му недостасуваат 77 гола од магичната бројка од 1.000.