Со одигрувањето на натпреварите од последното 3. коло во групуте Ц и Д, позната е втората половина од осминафиналните парови на Европското ватерполо првенство што се одржува во Белград.
На дуелите одиграни синоќа, беа постигнати овие резултати: Ц група: Италија – Грузија 21-1 и Романија – Германија 14-13.
Табела: Италија 9, Романија 6, Германија 3 и Грузија 0.
Д група: Унгарија – Турција 20-5 и Русија – Грција 9-8. Табела: Унгарија 7, Русија 6, Грција 4 и Турција 0
Така во недела во осминафиналето ќе играат: Италија – Турција, Унгарија – Грузија, Романија – Грција и Русија – Германија.
Денеска ќе се одиграат првите четири дуели, а двојките се: Шпанија – Малта, Црна Гора – Франција, Србија – Словачка и Хрватска – Холандија.